ກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ ຮ່ວມກັບ ວິທະຍາໄລຄູສະຫວັນນະເຂດ ໄດ້ຈັດກອງປະຊຸມຕິດຕາມ, ກວດກາ ແລະ ເກັບກຳການນໍາໃຊ້ຄູ ຢູ່ວິທະຍາໄລຄູສະຫວັນນະເຂດ ສົກຮຽນ 2024-2025.

ໃນຕອນເຊົ້າຂອງວັນ 20 ມີນາ 2025 ເວລາ 8 ໂມງ 30 ນາທີ ທີ່ຫ້ອງປະຊຸມຊັ້ນ 2 ຂອງວິທະຍາໄລຄູສະຫວັນນະເຂດ ກົມຈັດຕັ້ງ ແລະ ພະນັກງານ ກະຊວງສຶກສາທິການ ແລະ ກິລາ ຮ່ວມກັບ ວິທະຍາໄລຄູສະຫວັນນະເຂດ ໄດ້ຈັດກອງປະຊຸມ ຕິດຕາມ, ກວດກາ ແລະ ເກັບກຳການນໍາໃຊ້ຄູ ຢູ່ວິທະຍາໄລຄູສະຫວັນນະເຂດ ສົກຮຽນ 2024-2025 ຂຶ້ນຢ່າງເປັນທາງການ ໂດຍພາຍໃຕ້ການເປັນປະທານຂອງທ່ານ ລັດສະໝີ ພະໄຊສີ ຜູ້ອໍານວຍການວິທະຍາໄລຄູສະຫວັນນະເຂດ ແລະ ທ່ານ ອິນທະວົງ ມະນີທອງ ຮອງຫົວໜ້າກົມຈັດຕັ້ງ ແລະ ພະນັກງານ ປະທານຮ່ວມ ພ້ອມຄະນະ, ນອກນັ້ນ, ຍັງມີຫົວໜ້າພະແນກ, ຫົວໜ້າພາກວິຊາ, ຜູ້ອຳນວຍການໂຮງຮຽນ ສາທິດທັງ 3 ແຫ່ງ ພ້ອມດ້ວຍນັກວິຊາການປ້ອນຂໍ້ມູນ ໄດ້ເຂົ້າຮ່ວມຢ່າງພ້ອມພຽງ.

          ໃນເບື້ອງຕົ້ນ ທ່ານ ລັດສະໝີ ພະໄຊສີ ຜູ້ອຳນວຍການ ວິທະຍາໄລຄູສະຫວັນນະເຂດ ໄດ້ຂຶ້ນລາຍງານສະພາບລວມຂອງ ວິທະຍາໄລຄູສະຫວັນນະເຂດ ພ້ອມທັງ ກ່າວຕ້ອນຮັບແຂກ. ຈາກນັ້ນ, ທ່ານ ອິນທະວົງ ມະນີທອງ ຮອງຫົວໜ້າກົມຈັດຕັ້ງ ແລະ ພະນັກງານ ໄດ້ຂຶ້ນສະເໜີຈຸດປະສົງ,  ແຜນການເຄື່ອນໄຫວ ແລະ ມີຄໍາເຫັນຊີ້ນໍາຕໍ່ກອງປະຊຸມໃນຄັ້ງນີ້. ຈາກນັ້ນ, ທ່ານ ນາງ ສຸດາຈັນ ແສນມະນີ ຮອງຫົວໜ້າພະແນກພັດທະນາລັດຖະກອນ ໄດ້ຂຶ້ນແນະນໍາການປ້ອນຂໍ້ມູນໃສ່ຮ່າງເຄື່ອງມື.

ການປ້ອນຂໍ້ມູນກ່ຽວກັບນຳໃຊ້ຄູແມ່ນໄດ້ສຳເລັດລົງດ້ວຍຜົນສຳເລັດທີ່ດີໃນຕອນບ່າຍຂອງມື້ດຽວກັນ.